ಬಟಾಟೆ ಮೊಸರು ಕರಿ

 ಬೇಕಾಗುವ ಸಾಮಾಗ್ರಿಗಳು:

ಬಟಾಟೆ - 4
ಟೊಮ್ಯಾಟೋ - 2
ತುರಿದ ತೆಂಗಿನಕಾಯಿ - 5-6 ಚಮಚ
ಹಸಿಮೆಣಸಿನಕಾಯಿ - 5
ಹುರಿಗಡಲೆ - ಒಂದು ಸಣ್ಣ ಕಪ್
ಲವಂಗ - 2
ಎಣ್ಣೆ - ಸ್ವಲ್ಪ
ಮೊಸರು - ಒಂದು ಸಣ್ಣ ಕಪ್
ಕರಿಬೇವು
ಉಪ್ಪು - ರುಚಿಗೆ ತಕ್ಕಷ್ಟು
 

ಪಾಕ ವಿಧಾನ :

ಬಟಾಟೆಯನ್ನು ಬೇಯಿಸಿ ಅದು ತಣ್ಣಾಗದ ಮೇಲೆ ಅದನ್ನು ಬಜ್ಜಿಮಾಡಿ. ಹುರಿಗಡಲೆ, ತೆಂಗಿನತುರಿ ಮತ್ತು ಹಸಿಮೆಣಸಿನಕಾಯಿಗಳನ್ನು ಚೆನ್ನಾಗಿ ರುಬ್ಬಿ.

ಒಂದು ಪಾತ್ರೆಯಲ್ಲಿ ಸಣ್ಣಗೆ ಹೆಚ್ಚಿದ ಟೊಮ್ಯಾಟೋವನ್ನು 2 ನಿಮಿಷ ಬೇಯಿಸಿ ಅದಕ್ಕೆ ಬಜ್ಜಿ ಮಾಡಿದ ಬಟಾಟೆ, ಮೊಸರು ಮತ್ತು ರುಬ್ಬಿದ ಮಿಶ್ರಣವನ್ನು ಸೇರಿಸಿ ಸಣ್ಣ ಉರಿಯಲ್ಲಿ 10 ನಿಮಿಷ ಬೇಯಿಸಿ.

ಕೊನೆಯಲ್ಲಿ ಇದಕ್ಕೆ ತುಪ್ಪ ಮತ್ತು ಲವಂಗದ ಒಗ್ಗರಣೆ ಕೊಡಿ. ಬಿಸಿ ಇರುವಾಗಲೇ ಬಡಿಸಿ.