ಉಡುಪಿ ಶೈಲಿಯ ರುಚಿಕರ ರಸಂ

ಬೇಕಾಗುವ ಸಾಮಗ್ರಿಗಳು

 1/4 ಕಪ್ ತೊಗರಿ ಬೇಳೆ

2 ಸಣ್ಣದಾಗಿ ಹೆಚ್ಚಿದ ಟೊಮ್ಯಾಟೊ


1 ಸಣ್ಣ ಗಾತ್ರದ ಹುಣಿಸೇಹಣ್ಣು

1 - 2 ಚಮಚ ಬೆಲ್ಲ (ನಿಮ್ಮ ರುಚಿಗೆ ತಕ್ಕಂತೆ)

ಉಪ್ಪು

2 ಹಸಿರು ಮೆಣಸಿನಕಾಯಿ

2 ಚಮಚ ಸಣ್ಣದಾಗಿ ಹೆಚ್ಚಿದ ಕೊತ್ತಂಬರಿ ಸೊಪ್ಪು

2 ಚಮಚ ರಸಂ ಪುಡಿ

ಚಿಟಿಕೆ ಅರಿಶಿನ ಪುಡಿ

ಎಣ್ಣೆ/ತುಪ್ಪ

1/2 ಚಮಚ ಸಾಸಿವೆ

1/2 ಚಮಚ ಜೀರಿಗೆ

ಒಂದು ದೊಡ್ಡ ಚಿಟಿಕೆ ಇಂಗು

5 - 6 ಕರಿಬೇವಿನ ಎಲೆಗಳು

 ಮಾಡುವ ವಿಧಾನ -

- ಕುಕ್ಕರ್‌ನಲ್ಲಿ ತೊಳೆದ ತೊಗರಿ ಬೇಳೆ, 1 ಕಪ್ ನೀರು, 1 ಚಮಚ ಎಣ್ಣೆ, ಸ್ವಲ್ಪ ಅರಿಶಿನ ಸೇರಿಸಿ, 2 ಸೀಟಿ ಬರುವ ತನಕ ಬೇಯಿಸಿ

- ಬೆಂದ ನಂತರ ಅದಕ್ಕೆ ಟೊಮ್ಯಾಟೊ, ಹಸಿರು ಮೆಣಸಿನಕಾಯಿ ಮತ್ತು ಉಪ್ಪನ್ನು ಸೇರಿಸಿ ಮತ್ತೆ 2 ಸೀಟಿ ಬರುವ ತನಕ ಬೇಯಿಸಿ

- ನಂತರ ಅದಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು, ಬೆಲ್ಲ, ಹುಣಸೇಹಣ್ಣಿನ ರಸ, ಕೊತ್ತಂಬರಿ ಸೊಪ್ಪು, ರಸಂ ಪುಡಿ ಹಾಕಿ ಸ್ವಲ್ಪ ನೀರು ಸೇರಿಸಿ ಚೆನ್ನಾಗಿ ಕುದಿಸಿ

- ಒಂದು ಪಾತ್ರೆಯಲ್ಲಿ 2 ಚಮಚ ಎಣ್ಣೆ/ತುಪ್ಪ ಬಿಸಿ ಮಾಡಿ, ಅದಕ್ಕೆ ಸಾಸಿವೆ, ಜೀರಿಗೆ,ಇಂಗು , ಕರಿಬೇವಿನ ಎಲೆಗಳನ್ನು ಹಾಕಿ ಒಗ್ಗರಣೆಯನ್ನು ಸಿದ್ದ ಪಡಿಸಿಕೊಳ್ಳಿ

- ಈಗ ಈ ಒಗ್ಗರಣೆಯನ್ನು ಕುದಿಸಿದ ರಸಂಗೆ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿದರೆ ಉಡುಪಿ ಶೈಲಿಯ ರುಚಿಕರ ರಸಂ ಸಿದ್ದ.